"მანჩესტერ იუნაიტედსა" და "ბარსელონას" შორის მოლაპარაკებები აქტიურ რეჟიმში მიმდინარეობს, აცხადებს ცნობილი სპორტული ჟურნალისტი დევიდ ორშტეინი.
მიუხედავად იმისა, რომ ესპანურმა გრანდმა "წითელი ეშმაკების" პირველი შეთავაზება უარით გაისტუმრა, ორშტეინის ინფორმაციით, ორივე კლუბში სიმშვიდემ დაისადგურა და ორივე მხარე დარწმუნებულია, რომ ტრანსფერი საბოლოოდ მაინც განხორციელდება.
"ბლაუგრანას" ფინანსური პრობლემების გამო, ნიდერლანდელის გაყიდვით დიდი თანხის მიღება სურს და ამიტომ "წითლების" შემოთავაზებაზე მარტივად დათანხმებას არ აპირებს.
შეგახსნებთ იმისაც, რომ "იუნაიტედის" პირველი შეთავაზება 25 წლის ფეხბურთელის თაობაზე 60 მილიონი და კიდევ 10 მილიონი ბონუსები იყო , თუმცა "ბარსელონამ" ეს წინადადება უარყო.
