"მანჩესტერ იუნაიტედმა" "ბარსელონას" ახალი გაუმჯობესებული შეთავაზება გაუკეთა ფრენკი დე იონგის თაობაზე, აცხადებს ცნობილი სპორტული ჟურნალისტი ხერარდ მორენო.
როგორც ესპანელი ციტირებს, ინგლისურმა გრანდმა "ბლაუგრანას" 25 წლის ფეხბურთელის სანაცვლოდ 80 მილიონი ფუნტი (68 მილიონი ევრო)+ ბონუსები შესთავაზა.
"წითლების" წარმომადგენლები დარწმუნებულნი არიან, რომ ესპანური კლუბი ამ წინადადებას დათანხმდება, რადგან ეს ის თანხაა, რასაც "ბარსელონა" დაინტერესებული მხარეებისგან ითხოვდა.
"წითელი ეშმაკები" ნიდერლანდელის ტრანსფერის გარდა, "აიაქსის" ფეხბურთელის, ენტონის გადაბირებაზეც მუშაობენ.
ვნახოთ როგორ განვითარდება მოვლენები, თუმცა დიდი ალბათობით ყველაფერი ამ კვირას გადაწყდება და გაირკვევა ითამაშებს, თუ არა დე იონგი ოლდ ტრაფორდზე მომდევნო სეზონში.
