"მანჩესტერ იუნაიტედმა" კრისტიან ერიქსენთან შეთანხმებას მიაღწია უკვე ერთი კვირაა და დადასტურებულია, რომ დანიელი კარიერას ოლდ ტრაფორდზე გააგრძელებს.
როგორც ცნობილი სპორტული ჟურნალისტი, ფაბრიციო რომანო ციტირებს, "წითლების" წარმომადგენლებმა 30 წლის ნახევარმცველის ადვოკატებს კონტრაქტი უკვე გაუგზავნეს ხელის მოსაწერად.
ხელის მოწერის შემდეგ, ფეხბურთელი "მანჩესტერში" ჩაფრინდება, სამედიცინო შემოწმებას გაივლის და უკვე ოფიციალურად გახდება ინგლისური გრანდის ფეხბურთელი.
შეგახსენებთ იმასაც, რომ ერიქსენი "წითელ ეშმაკებს" თავისუფალი აგენტის სტატუსით შეუერთდა.
