პატრის ევრამ მანჩესტერ იუნაიტედისა და ბარსელონას პლეი-ოფის მატჩზე პროგნოზი გააკეთა:”მე ყოველთვის ვამბობდი რომ ბარსელონა არის გუნდი, რომელიც ყველაზე მეტად მძულს, მაგრამ ამავე დროს ყველაზე მეტად პატივს ვცემ. რატომ? იმიტომ რომ სამჯერ მომპარეს ჩემპიონთა ლიგის ფინალი, ორჯერ იუნაიტედთან და ერთხელ იუვენტუსთან, მაგრამ ეს წარმოუდგენელი ისტორიის კლუბია, როგორიც იუნაიტედია და მე ძალიან მომწონს მათი თამაშის ყურება.
თუ ბარსელონას დაამარცხებ, ფინალში შენი ადგილი ფაქტიურად 100% დაიმსახურე, ზუსტად იგივე მოხდა 2008 წელს, როდესაც ჩვენ ისინი ნახევარფინალში დავამარცხეთ. ეს წარმოუდგენელი გუნდია წარმოუდგენელი მოთამაშეებით და დღეს საღამოს ნამდვილად დიდი ბრძოლა იქნება. ორივე გუნდი აღდგენის პროცესშია, მაგრამ მერწმუნეთ ისინი ორივე აღზევებულია უკვე.
ბარსა ჩავის მეთაურობით შესანიშნავად თამაშობს, რაც ჩემთვის გასაკვირი არ არის, რადგან ის ძალიან ჭკვიანი ადამიანია, ტენ ჰეგი ასევე იუნაიტედს ნამდვილ ძალად აქცევს.
მე იუნაიტედზე დავდებ. თუ კარგად ვითამაშებთ დაცვაში შეგვიძლია ბარსას სერიოზული პრობლემები მივაყენოთ, რადგან არ ვფიქრობ რომ დაცვა მათი ძლიერი მხარეა. მე არ ვამბობ რომ ეს მათი სუსტი წერტილია, მაგრამ ეს ნამდვილად არ არის მათი ძლიერი მხარე. მაგრამ, არ უნდა დაგვავიწყდეს, რომ მათ ჰყავთ ლევანდოვსკი, ჰყავთ დემბელე და ბევრი სხვა ფეხბურთელი, რომლებსაც შეუძლიათ ძალიან გაწყენინონ, ამიტომ მათთან ძალიან ფრთხილად უნდა იყოთ.
ფსონს დავდებ, რომ "იუნაიტედი" 1-0 წააგებს კამპ ნოუზე და 2-0 მოიგებს "ოლდ ტრაფორდზე".
