ერიკ ტენ ჰეგის პრესკონფერენცია ასტონ ვილასთან მატჩის წინ

წარმოგიდგენთ ერიკ ტენ ჰეგის პრესკონფერენციის მეორე ნაწილის თარგმანს ასტონ ვილასთან მატჩის წინ.

- სად ხედავთ რაშფორდის მთავარ პოზიციას - მარცხნივ თუ ცენტრში?

- ორივე პოზიციაზე შეუძლია იმოქმედოს იდეალურად. ვირჩევთ იმის მიხედვიტ თუ ვინ არის ჩვენი მოწინააღმდეგე, და შემდეგ განვსაზღვრავთ მის როლს. მაგრამ მისთვის ასევე მნიშვნელოვანია ზოგადი განლაგება, რომელი მოთამაშეები ახლავს მას, განსაკუთრებით ის მოთამაშეები, რომლებიც მის უკან არიან განლაგებული. ეს საშუალებას აძლევს მას დააკავშიროს და გააკეთოს დრიბლინგები. კმაყოფილი ვარ იმ პოზიციით, რომელშიც ის ამჟამად იმყოფება, ის დიდ გავლენას ახდენს თამაშზე, არ აქვს მნიშვნელობა რომელ შემადგენლობაში იქნება.

- "9" პოზიციაზე ფორვარდის ყიდვა მარკუსს მეტ შესაძლებლობებს მისცემს?

- დიახ, მთელი სეზონი გვქონდა პრობლემები თავდამსხმელთან დაკავშირებით - ჯერ რონალდუ წავიდა, მერე მარსიალმა ვერ ითამაშა, სანჩომ ვერ ითამაშა და ბევრი მატჩის ჩაგდება მოგვიწია. ასე რომ, ჩვენ აუცილებლად გვჭირდება შემტევი მოთამაშეები, რომლებსაც შეუძლიათ გუნდის გაძლიერება.

- ახლა ყველაზე რთული სატრანსფერო ბაზარზე ამ პოზიციაზე მოთამაშის პოვნაა, არა?

ისე, ამ საკითხს სხვადასხვა კუთხით შეიძლება მივუდგეთ. არიან ჩვენთან გუნდში უნივერსალური მოთამაშეები, რომლებსაც შეუძლიათ "9" პოზიციაზე თამაში, როგორიც მარკუსი, მარსიალი  კარგად თამაშობს თავდამსხმელის პოზიციაზე. ჩვენ გვჭირდება ხარისხიანი შემტევი მოთამაშეები, რომლებსაც შეუძლიათ გავლენა მოახდინონ და გააუმჯობესონ ჩვენი შეტევა.

- როგორ აფასებთ უნაი ემერის მუშაობას "ასტონ ვილაში"? ახლა ეს არის გუნდი რომელიც ამტკიცებს ევროპაში მოხვედრას.

- ოჰ, კი, მას პირველ თამაშში შევხვდით და თავისი სისტემით გაგვაოცა. იმ მატჩში ძალიან დაბალი ენერგეტიკა გვქონდა, ამიტომ კვირას ამის გამეორებას თავი უნდა ავარიდოთ. მათთან წაგების შემდეგ სამი დღის შემდეგ ჩვენ დავბრუნდით და კარგი გამარჯვება მოვიპოვეთ მათ გუნდთან. რთული მატჩი გველის, ეს მე კარგად ვიცი. მისმა გუნდმა კარგი პროგრესი განიცადა, მაგრამ ყველაფერი მხოლოდ ჩვენზე იქნება დამოკიდებული. თუ კარგად მოვემზადებით, ენერგია და კონცენტრაცია გვექნება, მოგების კარგი შანსი გვექნება.