"ასტონ ვილასთან" გასამართი მატჩის წინ, პრესკონფერენციაზე "მანჩესტერ სიტის" მთავარმა მწვრთნელმა პეპ გუარდიოლამ განაცხადა:
"კარგი იქნებოდა პრემიერ-ლიგის ოთხი ტიტულის მოგება ხუთ სეზონში. მხოლოდ სერ ალექს ფერგიუსონმა მანჩესტერ იუნაიტედთან ერთად შეძლო ამის გაკეთება. თუმცა, ჩვენ შეგვიძლია ფერგიუსონის ეს შედეგი გავიმეოროთ. ჩვენ ახლოს ვართ, რომ ვიყოთ ამის ნაწილი და უნდა ვეცადოთ ამის განხორციელება" - განაცხადა პეპ გუარდიოლამ.
ბოლო ტურში საინტერესო დაპირისპირება გველოდება "მანჩესტერ სიტისა" და "ასტონ ვილას" შორის. მოგების შემთხვევაში თანაქალაქელები მე-8 პრემიერ-ლიგურ ტიტულს დაეუფლებიან კლუბის ისტორიაში.
