მანჩესტერ იუნაიტედმა გამოაცხადა რომ ბრუნო ფერნანდეშმა გააფორმა ახალი კონტრაქტი რომელიც გაახანგრძლივებს მის კლუბში ყოფნას 2027 წლის 30 ივნისამდე, ოფციით კიდევ ერთი წლით გახანგრძლივებით.
ბრუნომ კლუბში 234 მატჩში 79 გოლი გაიტანა და 67 საგოლე გადაცემა გააკეთა. მან ასევე მოიგო სამჯერ სერ მეტ ბასბის წლის საუკეთესო მოთამაშის ჯილდო და შექმნა გოლის გატანის მეტი შანსი ვიდრე პრემიერ ლიგის ნებისმიერ სხვა მოთამაშემ 2020 წლიდან იანვარში იუნაიტედში გადმოსვლის შემდეგ.
კონტრაქტის ხელმოწერის შემდეგ ბრუნომ თქვა: „ყველამ იცის, რამდენად დიდია ჩემი სიყვარული მანჩესტერ იუნაიტედის მიმართ. “მე მესმის “წითელი ეშმაკების” მაისურით მოედანზე გასვლის პასუხისმგებლობა და მნიშვნელობა, ამ წარმოუდგენელი კლუბის წარმოსადგენად საჭირო თავდადებისა და სურვილის დონეც!”
“აქ უკვე ბევრი განსაკუთრებული მომენტი მქონდა: ჩემი სახელის გაგონებაზე სტრეტფორდ ენდზე, მახსოვს ჰეთ-თრიკი ლიდსის წინააღმდეგ, მახსოვს “ოლდ ტრაფორდზე” გუნდის გაყვანა ევროპის თასის მატჩებში და ტიტულების აწევა “უემბლიზე”. მაგრამ მე არ მოვაწერდი ხელს ამ კონტრაქტს თუ არ ვიქნებოდი დარწმუნებული რომ ჩემი საუკეთესო მომენტები “იუნაიტედის” მაისურში ჯერ კიდევ წინ არის.”
„კლუბის საფეხბურთო ხელმძღვანელობასთან და მწვრთნელთან ჩვენი გეგმების განხილვის შემდეგ, ჩემთვის ცხადი გახდა რამდენად გადაწყვეტილი აქვს ყველას იბრძოლოს მომავალი წლების მთავარი ტიტულების მოსაპოვებლად. მე ვხედავ რამდენად პოზიტიური შეიძლება იყოს ჩვენი მომავალი და აღფრთოვანებული ვარ ამ გუნდის მომავლით.”
