ინგლისის მთავარმა მწვრთნელმა გარეტ საუთგეიტმა მხარი დაუჭირა ჰარი მაგუაირს, რომელმაც შოტლანდიასთან ამხანაგურ მატჩში ავტოგოლი გაიტანა.
„არასდროს მინახავს ცხოვრებაში როგორც ჰარის ექცევიან, ეს სასტიკად მიუღებელია - განაცხადა საუთგეიტმა მატჩის შემდეგ. - ჩვენი გუნდი ინგლისის ისტორიაში მეორე წარმატებული გუნდია და მთელი ამ წლების განმავლობაში მისი განუყოფელი და მნიშვნელოვანი ნაწილი იყო! არაერთხელ მითქვამს გუნდში უფროსი მოთამაშეების განსაკუთრებულ მნიშვნელობაზე და ის ყოველთვის ადასტურებდა ჩემს სიტყვებს თავისი საქციელითა და შრომისმოყვარეობით“.
„ყოველ ჯერზე, როცა ის მოედანზე გადის მისი გამძლეობა და თავდადება წარმოუდგენელია! ის უმაღლესი დონის ფეხბურთელია და ჩვენ ყველა მხარს ვუჭერთ მას, მათ შორის ჩვენი გულშემატკივრების უმრავლესობა.
მე მესმის რატომ დასცინეს მას შოტლანდიელმა გულშემატკივრებმა, როდესაც ის მოედანზე შემოვიდა. ისინი ჩვენი მეტოქეები არიან და მათ მიმართ არანაირი პრეტენზია არ მაქვს. მაგრამ ის რომ ჩვენი კომენტატორები, ექსპერტები და ყველა დანარჩენი მას დიდი ხანია დასცინიან აღმაშფოთებლად მიმაჩნია, ეს მხოლოდ ერთგვარი სისულელეა! მსგავსი არაფერი მინახავს!"
