ხშირი იყო საუბრები იმის შესახებ, რომ ზაფხულში კრიშტიანუ რონალდუ ოლდ ტრაფორდს დატოვებდა. მთავარი მიზეზი კი ამისა იყო ის, რომ ინგლისური გრანდი მომავალ სეზონში ჩემპიონთა ლიგაზე ვეღარ იასპარეზებს.
თუმცა, როგორც The Sun ციტირებს, კრიშტიანუ რონალდუმ თანაგუნდელებს აცნობა, რომ მომდევნო სეზონში კლუბის დატოვებას არ აპირებს. პორტუგალიელ ფორვარდს სურს დარჩეს ინგლისში და იმუშაოს ახალ მთავარ მწვრთნელთან ერიკ ტენ ჰაგთან . ის მხოლოდ იმ შემთხევაში დატოვებს კლუბს თუ ამას ხელმძღვანელობა მოითხოვს.
“იუნაიტედის” წყარომ განუცხადა The Sun-ს: “რონალდუმ უთხრა ფეხბურთელებს, რომ არსად არ წავა. არავინაა მასზე იმედგაცრუებული იმის გამო, თუ როგორ დასრულდა სეზონი. მაგრამ მას არ სურს ოლდ ტრაფორდის დატოვება და სურს დაეხმაროს კლუბს ჩემპიონთა ლიგაზე დაბრუნებაში და მომავალ წელს ტიტულის მოპოვებაში”
გავრცელებული ინფორმაციით, სწორედ სერ ალექს ფერგიუსონი იყო ის ადამიანი, რომელმაც უდიდესი წვლილი შეიტანა რონალდუს ამ გადაწყვეტილებაში.
